芷珊約您丨許志安首談「安心事件」低潮期後衝擊 安仔直言：一世的傷疤
撰文： TOPick柴犬出動
發布時間： 2024/04/14 11:04
最後更新： 2024/04/14 12:11
▲ 許志安在黎芷珊主持節目《芷珊約您》內，罕有談「安心事件」後的心路歷程。
由黎芷珊主持的TVB全新節目《芷珊約您》以紀錄片訪談方式拍攝，芷珊碌盡人情卡廣邀在樂壇舉足輕重的7位代表人物，張敬軒、楊千嬅、王嘉爾、溫拿、草蜢、許志安及陳慧琳。
芷珊並跟著他們先後走訪紐約、上海、澳門、馬來西亞、高雄、及廣州等不同地方，以跟拍形式直擊7大歌手/組合舉行世界巡迴演唱會時台上台下的珍貴點滴。
【與自己和解】許志安新歌由陳奕迅作曲 Eason：要實誠面對自己
許志安自覺好幸福
早前TVB官方社交網陸續釋出7大單位嘉賓的精彩預告片，在許志安的一集，安仔首度剖白2019年經歷「安心事件」後低潮期的衝擊。
從預告片所見，黎芷珊問許志安：「你最灰嗰段時間，你對自己將來嘅事業仲有冇期望呢？」許志安凝重地稱：「唔夠膽講期望！啱啱呢個演唱會，我覺得最大唔同嘅係，即係我覺得初心係好重要，就算而家個台有幾細，我都唔怕，總之一響聲，我就有信心唱得最好。」
黎芷珊並問許志安有何說話要跟10年後的自己講，許志安說：「其實你好幸福！」
在預告片末段，當許志安被問到2019年的「安心事件」對他影響有多大時，他平伏一下情緒後稱：「一世嘅傷疤嚟㗎！」
現在可以重新踏上舞台，他表示就算舞台細了，但只要音樂一響起就有信心可以交出最好的表演。
碌盡人情卡「自肥」？
此外，片段見芷珊除緊貼各組嘉賓深入舞台不同角落，還會由綵排一直貼身跟拍至上台，為大家揭秘7組嘉賓臨上台表演前最真實一面。
芷珊與嘉賓的訪談地點亦不會局限於餐廳或室內，其中張敬軒一集，芷珊便與軒仔坐在紐約的Limo（豪華轎車）上閒話家常。
《芷珊約您》早於去年年初已開始籌備，芷珊受訪時透露節目構思起點源於疫情過後、自己私心想出國旅遊順道拍攝節目，難怪芷珊亦笑指是「自肥」之作：「以往做開嘅訪談節目多數坐定定，但係依家觀眾要求愈嚟愈高，多啲畫面會更加吸引，所以就諗有咩形式嘅訪談節目可以飛去唔同地方呢？加上歌手系列我未做過，所以就諗到需要周圍飛嘅巡迴演唱會。」
經一輪籌備及聯絡工作，節目於去年7月正式開拍，芷珊續指希望透過節目，讓觀眾看到更多歌手們不為人知的一面：「大家只係睇到台上嘅表演，台後其實仲有好多特別嘢，諗都諗唔到會發生嘅，我覺得都幾有趣架！」
邀約歌手期間食盡檸檬
談到能夠請到這麼多位樂壇頂級歌手擔任嘉賓，出名在娛圈人脈甚廣的芷珊笑言亦有「食檸檬」時候，原因與「紀錄片」拍攝形式有關：「有啲歌手嚇親，因為全程要跟住，但我就係想有變化，所以最終唔成事。同埋嗰陣係疫情尾聲，有啲歌手仲會戴口罩，同埋除咗開騷其餘時間都留喺酒店，比較難配合拍攝。」
此外，加上每位歌手檔期不同，演唱會後台又多「神秘禁地」，洽談過程絕對是一大挑戰，芷珊說：「雖然台後好多嘢拍，但有啲嘢唔穿得，要一路同嘉賓嗰邊傾。」
親授當金牌主持技巧
芷珊又揚言節目「咩都有得睇」，訪談內容除圍繞事業、家庭、私人生活，還會探討社會話題。
談到為何能贏得如此多藝人信任，芷珊笑指除了事前要花功夫做功課，對受訪者有深入及清晰的了解外，還必須與對方事前有充分溝通：「我訪問前會再同佢哋傾吓偈先，畀佢哋知我嘅方向係點、希望件事出嚟係點，等佢哋有信心，就會好放心、好坦白咁同我盡訴心中情。」
最新影片推介：余香凝專訪
HKET App已全面升級，TOPick為大家推出一系列親子、健康、娛樂、港聞及休閒生活資訊及影片。立即下載︰https://onelink.to/f92q4m
追蹤TOPick WhatsApp頻道睇最新資訊︰http://tinyurl.com/3dtnw8f5
